1-апрелден тарта Бишкек шаарында Ауэзов көчөсүнүн Салиева көчөсүнөн Жибек Жолу проспектисине чейинки бөлүгүндө транспорт кыймылы убактылуу токтотулат. Бул тууралуу шаар мэриясы кабарлады.

Долбоордун алкагында жолду кеңейтүү, тротуарларды орнотуу, сугаруу тутумун куруу жана эки катмар асфальт-бетон төшөө иштери аткарылат.

Бул иш-чаралар жолдун өткөрүү жөндөмдүүлүгүн жогорулатууга, транспорттук инфраструктураны жакшыртууга жана жөө жүргүнчүлөр жана айдоочулар үчүн ыңгайлуу шарттарды түзүүгө багытталган.

Шаар бийлиги тургундарды жана айдоочуларды каттамдарын алдын ала пландап, альтернативдүү жолдорду колдонууга чакырат.