Манас шаарындагы массалык мушташтын 22 катышуучусу колго түштү

24.11.2025 | 11:30

19-ноябрга караган түнү Манас шаарындагы «Спутник» кичирайонунда массалык мушташ болду. Видеокадрларда эки топтогу жигиттер бири-бирине кыйкырып, таш ыргытып жатканы көрүнөт. Ак түстөгү унаа ылдам айдап келип, мушташтын бир катышуучусун коюп кетет, андан кийин кайра бурулуп, карама-каршы багытка айдап тағы бирөөнү коюп кеткен. Милициядын маалыматы боюнча, мушташтан кийин 22 жаштагы Э.Б. реанимацияга түшкөн.

Милиция кызматкерлери УКМК менен биргеликте мушташка катышкан 22 адамдын өздүгүн тактап, алардын баарын кармашты. Баары Убактылуу кармоочу жайга киргизилип, ал эми 22 жаштагы Э.Б. ооруканада дарылануудан чыккандан кийин жоопко тартылат. Териштирүү иштери улантылууда.

Scroll to Top