Манас шаарында болгон массалык мушташтан кийин укук коргоо органдары 11 адамды кармады. Бул тууралуу Reporter.kgге Жалал-Абад облустук милициясы билдирди.

Посмотреть эту публикацию в Instagram

Публикация от Reporter.kg (@reporter_kg)

Мушташ 19-ноябрга караган түнү «Спутник» кичирайонунда болду. Кадрларда эки топ жигиттер кыйкырып, бири-бирине таш ыргытып жатканы көрүнөт. Ак түстөгү авто ылдамдап келип бир жигитти сүзүп, андан соң бурулуп артка карай кетип дагы бир жигитти сүзүп кеткен.

Милициянын маалыматына караганда, мушташтан кийин 22 жаштагы Э.Б. жандандыруу бөлүмүнө  жеткирилди. КРнын Кылмыш-жаза кодексинин «Бейбаштык» беренеси боюнча кылмыш иши козголду. Мушташка катышкан 11 адамдын өздүктөрү такталып, баары кармалды. Териштирүү уланууда.