Министрлер кабинетинин төрагасынын орун басары жана УКМКнын төрагасы Камчыбек Ташиев Кемин менен Көк-Жардын ортосунда акы төлөнүүчү айланма жол куруларын билдирди. Анын айтымында, жолдон өтүү акысы 200–300 сомдун тегерегинде болот. Долбоордун алдын ала баасы болжол менен 65 млн долларды түзөт, бирок келечектеги трассанын так маршруту азырынча аныктала элек.

Ташиевдин айтымында, жаңы жол Кант аймагындагы тыгындарды айланып өтүүгө мүмкүндүк берип, айдоочуларга 2–3 саат убакыт үнөмдөөгө шарт түзөт. «Кеминден кирип, Көк-Жардан чыгып кетесин», — деди ал.

Ошондой эле УКМКнынтөрагасы Кыргызстандагы миң чоң айылда ар биринин кубаттуулугу 1 МВт болгон күн электр станцияларын куруу пландаштырылып жатканын билдирди. Алар калктуу конуштарды күндүз 6–7 саат, ал эми түнкүсүн дагы болжол менен 2 саат электр энергиясы менен камсыздай алат. Учурда инвесторлор менен сүйлөшүүлөр жүрүп жатат.