Бишкектеги муниципалдык бала бакчаларда балдарга кам көрүү, окутуу жана өнүктүрүү шарттары түзүлгөн, ата-энелер болсо бир гана тамак-ашка төлөшөт, бир балага күнүнө 120 сом. Калган бардык чыгымдарды толугу менен шаар мэриясы көтөрөт. Бул тууралуу муниципалитеттин басма сөз кызматы кабарлады.

Тамак-аш үчүн чогултулган каражат санитардык талаптарга жана жаш өзгөчөлүктөрүнө ылайык келген сапаттуу азык-түлүктөрдү сатып алууга жумшалат.

Муниципалдык бала бакчалар балдардын шарттарын жакшыртууну, өнүктүрүүчү программаларды киргизүүнү жана көрсөтүлгөн кызматтардын сапатын жогорулатууну улантууда.

Буга чейин Министрлер кабинети мектепке чейинки уюмдарды нормативдик каржылоого өткөрүү тууралуу токтомду бекиткен. Анын маанилүү жоболорунун бири — эми ата-энелер кайрадан балага байланышкан, анын ичинде кеңсе товарлары жана гигиеналык каражаттар боюнча чыгымдарды да төлөйт.