«Бишкек жашыл курулуш» муниципалдык ишканасы борбор калаага гүл отургузуу иштерин баштады. Мэриянын маалыматына ылайык, быйыл 2 млн даана бир жылдык гүл отургузулат.

Тизмеге тагетс, сальвия, агератум, катарантус, георгин, петуния жана колеус сыяктуу гүлдөр кирген. Гүл композициялары борбордук көчөлөрдө, парктарда, скверлерде жана гүлзарларда жайгаштырылат. Мэрия иштер шаардын төрт административдик районунда бир убакта башталганын билдирди.

«Бишкек жашыл курулуш» ишканасы шаар тургундарын жана конокторун отургузулган гүлдөргө аяр мамиле кылууга, аларды үзбөөгө жана тебелебөөгө чакырды.