Каржы министрлигинин маалыматы боюнча, «Жеңилдетилген каржылоо-3» программасынын алкагында 2025-жылы Бишкек жана Чүй облусун газдаштыруу үчүн 19,17 млн сомдук жеңилдетилген насыя бөлүнгөн. Аны республиканын 154 субъектиси алган. Демилге Министрлер кабинетинин 2025-жылдын 28-апрелиндеги тескемеси менен бекитилген.

Каржылоонун операторлору болуп «Айыл Банк» жана «Элдик Банк» саналат. Программанын жалпы лимити 200 млн сомду түзөт; каражаттар түйүндөргө кошулууга жана инфраструктуралык долбоорлорго жумшалат. Максат — энергиялык натыйжалуулукту жогорулатуу жана аймактагы жашоо сапатын жакшыртуу.