Кыргызстандын экономика министринин орун басары Султан Ахматов Германиянын Тышкы иштер министрлигинин Чыгыш Европа, Түштүк Кавказ жана Борбор Азия маселелери боюнча ыйгарым укуктуу өкүлү Никлас Вагнер жана Германиянын КРдагы элчиси Моника Ленхард менен жолугушуу өткөрдү. Жолугушуу 21-январда болуп, анын жүрүшүндө тараптар эки тараптуу экономикалык өнөктөштүктүн негизги аспектилерин талкуулашты.

Предметтик диалогдун алкагында соода мамилелерин өнүктүрүү, немис инвестицияларын тартуу, ошондой эле кадрларды даярдоо жана «жашыл» технологияларды киргизүү жаатында кызматташуу сыяктуу багыттар каралды. Жолугушуунун катышуучулары биргелешкен долбоорлорду мындан ары кеңейтүүгө жана тереңдетүүгө өз ара кызыкдар экендигин билдиришти.