Жогорку Кеңештин Бюджет боюнча комитетинин жыйынында жогорку окуу жайларындагы окуу акысын мамлекеттик жөнгө салуу маселеси талкууланды. Депутат Камила Талиева акыркы эки жылда окуу акысынын бир кыйла өскөнүн жана бул боюнча жарандардан системалуу түрдө кайрылуулар түшүп жатканын белгилеп, келишим бааларына мыйзамдык чектөөлөрдү киргизүү демилгеси менен чыкты.

Мамлекеттик монополияга каршы жөнгө салуу агенттигинин директору Женалы Орозбаев мекеме ЖОЖдордогу баа түзүүнү түздөн-түз көзөмөлдөө боюнча ыйгарым укуктарды кайтаруу тууралуу сунуш даярдаганын билдирди. Кызмат мындай укукка 2016-жылга чейин ээ болчу.

Учурда агенттик билим берүү кызматтарынын өздүк наркынын түзүлүшүнүн негиздүүлүгүн текшерүү укугун ишке ашырып жатат.

Агенттиктин жетекчиси билим берүү мекемелеринде белгиленген тарифтердин тууралыгын текшерүү иштери уланарын баса белгиледи.