Ош облустук административдик сотунун үч кызматкери кызмат абалынан кыянаттык менен пайдалануу фактысы боюнча кармалды. Бул тууралуу УКМК билдирди.

Атайын кызматтын маалыматынды, соттук аппараттын канцелярия башчысы жана жооптуу кызматкерлери иш жүзүндө иштебеген «жалган кызматкерлерди» жумушка орноштуруп, түшкөн айлыкты өздөрү алып турушкан. Бул үчүн алар документтерди жасалмалап, кызматкерлердин эмгеги жөнүндө жалган маалыматтарды берип жүрүшкөн.

Натыйжада мамлекетке ири өлчөмдө материалдык зыян келтирилген.

Бул факты боюнча Кылмыш-жаза кодексинин «Кызматтык абалынан кыянаттык менен пайдалануу» беренеси менен кылмыш иши козголду. Аталган кызматкерлер кармалып, УКМКнын тергөө абагына киргизилди.

Посмотреть эту публикацию в Instagram

Публикация от Reporter.kg (@reporter_kg)