Жаратылыш ресурстары министрлигинин жетекчилиги жана жамааты аймакты жашылдандыруу боюнча акция өткөрдү. Иш-чара 5-апрелде Токмок шаарында КР Президентинин иш башкармалыгына караштуу Кыргыз мамлекеттик аңчылык чарбасынын базасында өттү.

Иш-чаранын жүрүшүндө ар кандай породадагы 2000 көчөт отургузулду.

Бул демилге «Жашыл мурас» улуттук программасынын алкагында ишке ашырылды. Акциянын негизги максаты — аймактагы экологиялык кырдаалды жакшыртуу жана токой көчөттөрүнүн аянтын кеңейтүү. Мекеме айлана-чөйрөнү коргоо боюнча чаралардын артыкчылыгын белгилеп, жарандарды өлкөнүн табигый дараметин сактоого активдүү катышууга чакырат.