Медер Машиев жаратылыш ресурстары, экология жана техникалык көзөмөл министри кызматынан бошотулду. Бул тууралуу президенттин басма сөз кызматы билдирди.

Тиешелүү жарлыкка өлкө башчы Садыр Жапаров кол койду.

Медер Машиев аталган кызматка 2024-жылы сентябрь айында дайындалган.

Президенттин дагы бир жарлыгы менен жаратылыш ресурстары, экология жана техникалык көзөмөл министринин милдетин аткаруучу болуп Акыл Токтобаев дайындалды. Анын талапкерлиги Жогорку Кеңешке макулдашуу үчүн киргизилет.