Бообек Ажикеев өзгөчө кырдаалдар министри кызматынан бошотулду. Тиешелүү жарлыкка өлкө башчы Садыр Жапаров кол койду. Бул тууралуу президенттин басма сөз кызматы билдирди.

Бообек Ажикеев аталган кызматты 2020-жылдан бери аркалап келе жаткан.

Президенттин дагы бир жарлыгы менен Урматбек Шамырканов өзгөчө кырдаалдар министринин милдетин аткаруучу болуп дайындалды. Эми анын бул кызматка талапкерлиги Жогорку Кеңешке макулдашуу үчүн киргизилет.