Нарын облусунда 12 жыл мурун дайынсыз жоголгон жарандын өлүмүнүн бети ачылды. Бул тууралуу облустук милициядан билдиришти.

Тергөөнүн маалыматында, 2014-жылдын май айында Эмгек-Талаа айылынын 38 жаштагы тургуну дайынсыз жоголгон. Ал учурда милиция издөө жарыялап, кылмыш ишин козгогон.

Алдын ала маалыматтар боюнча, ошол эле жылы маркум менен анын жакын тууганынын ортосунда чыр чыгып, ал мушташка айланган. Натыйжада жаран денесинен оор жаракат алып, тергөө версиясы боюнча, анын сөөгү Нарын дарыясына ыргытылган.

Бул факт боюнча Кылмыш жаза кодексинин “Адам өлтүрүү” беренеси менен кылмыш иши козголуп, шектүү катары 40 жаштагы К.М. кармалып, камакка алынды. Учурда тергөө иштери уланууда.

Посмотреть эту публикацию в Instagram

Публикация от Reporter.kg (@reporter_kg)