Бишкек шаарынын бир бөлүгүндө 1-3-апрелге чейин жаратылыш газын берүү убактылуу токтотулат. Бул тууралуу «Бишкекгаз» кызматы маалымдады.

Газ берүү жер астындагы орто басымдагы газ өткөргүчүндө оңдоо иштерин жүргүзүүгө байланыштуу төмөнкү көчөлөр менен чектелген аймакта өчүрүлөт:

• Жантөшев көчөсү;
• Байтик Баатыр көчөсү;
• Лев Толстой көчөсү;
• Кара-Дарыя көчөсү;
• Горький көчөсү;
• Жукеев-Пудовкин көчөсү.

Ошондой эле чектөөлөр «Кыргызавтомаш» заводуна, макарон цехине, «Жыргал» жана «Байтур» мончолоруна тиешелүү болот.

«Бишкекгаз» ишканасы абоненттерге газ өчүрүлгөн мезгилде энергиянын альтернативдүү булактарын колдонууну сунуштайт.