.svg){kind=logo}
Бишкектин бир бөлүгүндө газ үч күнгө өчүрүлөтАла-Бука, Базар-Коргон жана Москва райондорунун акимдери алмашты. Президент жарлыктарга кол койду«MedExpo Kyrgyzstan 2026»: Бишкекте 10дой өлкөнүн компаниялары катышкан медициналык көргөзмө ачылдыСадыр Жапаров бир катар шаарлардын мэрлерин алмаштырдыКРда КЖЭБ өндүрүүчүлөрүнөн электр энергиясын сатып алууга кепилдик берилген — Энергетика министрлигиКМШда Креативдүү индустриялар ассоциациясын түзүүгө киришишти
Бала бакчага электрондук каттоо системасы убактылуу иштебейт
31.03.2026 | 12:01
Мектепке чейинки билим берүү уюмдарына балдарды каттоонун “Электрондук кезек” системасы “Балалык” системасына көчүрүлүүдө. Буга байланыштуу 31-марттан 6-апрелге чейин система жеткиликсиз болот.
Агартуу министрлигинин маалыматында, аталган мөөнөт аралыгында системада техникалык иштер жүргүзүлөт. Иш-чаралар системаны жаңы базага өткөрүү максатында аткарылууда. Министрлик жарандардын ыңгайсыздык үчүн кечирим сурады.
Кошумчалай кетсек, 2026-2027-окуу жылына карата балдарды мамлекеттик жана муниципалдык мектептердин биринчи классына онлайн каттоо эртең, 1-апрелде, башталат. Каттоо «Электрондук жазуу» санариптик системасы аркылуу жүргүзүлөт.
