Токтогул районунда заманбап мал союучу жай ачылды. Долбоорду ишке ашырууга райондук өнүктүрүү фондунан 4,5 миллион сом жумшалган. Бул тууралуу Айыл чарба министрлиги билдирди.

Ишкана күнүнө 10 баш мал союуга ылайыкташтырылган жана төрт туруктуу жумуш орду түзүлдү. Объекттин 15 сотых аянтында 100 баш бодо малды бордоп семиртүү үчүн жай каралган.

Мал союучу жай министрликтин аймактарды өнүктүрүү, кайра иштетүү тармагын колдоо жана азык-түлүк коопсуздугун камсыз кылуу саясатынын алкагында курулган. Анын ишке кириши аймактагы эт өндүрүү тармагын өнүктүрүүгө жана калкты эт азыктары менен камсыздоого багытталган.