Агартуу министрлиги эки күндүн ичинде мектепке 1-класска жалпы 28 908 бала электрондук каттоодөн өткөнүн маалымдады. Мектепке каттоо 1-апрелде башталган. Ал “Мектеп” (1mektep.edu.gov.kg) автоматташтырылган маалыматтык системасы аркылуу жүргүзүлүүдө.

Аймактар боюнча катталган балдардын саны:

• Бишкек шаары — 6 211;
• Ош облусу — 5 341;
• Жалал-Абад облусу — 4 715;
• Чүй облусу — 3 409;
• Баткен облусу — 3 134;
• Ысык-Көл облусу — 2 414;
• Нарын облусу — 1 386;
• Ош шаары — 1 007;
• Талас облусу — 964.

Министрликтин маалыматына ылайык, быйыл республика боюнча жалпы 190 миңден ашык квота каралган.

Учурда каттоонун биринчи этабы жүрүүдө. Бул баскычта ата-энесинин же мыйзамдуу өкүлүнүн тиешелүү мектептин микроучастогунда туруктуу каттоосу бар балдар кабыл алынат.