27-апрелде коронавирус жуктуруп алгандыгы аныкталган 25 адамдын үчөө медицина кызматкерлери. Бул тууралуу саламаттык сактоо министринин орун басары Нурболот Үсөнбаев билдирди.
Алардын ичинен Бишкекте 2, Ош шаарында 1 учур катталган.
18-марттан бери жалпы 183 медицина кызматкерине коронавирус илдети жукту.
Ал эми соңку маалыматтарга ылайык Кыргызстанда коронавирусун жуктурган жалпы 695 учур катталды. Ал эми 395 бейтап оорудан сакайып чыкты. 8 адам илдеттен улам каза болгон.
