“Москва — Ош” чартердик каттамы менен Кыргызстандын 301 жараны Ош шаарына кайтып келди. Бул тууралуу Кыргызстандын Тышкы иштер министрлиги кабарлады.
Жүргүнчүлөрдүн тизмеси мекендештердин жеке арыздарынын негизинде түзүлгөн. Ага негизинен студенттер, боюнда бар жана жаш балдарын колуна кармаган аялдар, оорулуулар, жакындарын жоготкондор жана турмуштук катаал кырдаалга кабылган жарандар келди.
Тышкы иштер министрлигинин маалыматы боюнча, пандемия башталгандан бери 60ка жакын чет өлкөдөн келе албай калган 30 миңге жакын кыргызстандык жаран мекенине жеткирилген. Алардын басымдуу бөлүгү Орусиядан алып келинген.
