Жогорку Сот Мелис Мырзакматовдун ишин карап, курамында кылмыш жоктугуна байланыштуу актады. Бул тууралуу аталган мекеменин басма сөз кызматынан билдиришти. 

Мырзакматовдун иши Ош шаардык сотунда 15-октябрда, Ош облустук сотунда 16-октябрда каралып, экөө тең иштин курамында кылмыш жок деп, аны актоо чечимин чыгарышкан. 

Ушул эле иш 19-октябрда Жогорку Сотто каралып, мурдагы шаардык жана облустук сот чыгарган өкүм күчүндө калтырылган. 

Белгилей кетсек, Мелис Мырзакматов Кыргызстанга 7-октябрда кайтып келген. Ага Ош шаарынын мэри болуп турганда “кызмат абалынан кыянаттык менен пайдаланган” деп кылмыш иши козголуп, өлкөдөн чыгып кеткен.