Борбордук шайлоо комиссиясы мөөнөтүнөн мурда президенттик шайлоо өткөрүү жана ага даярдануу боюнча иш-чаралардын графигин бекитти.
24-октябрда өткөн БШКнын жыйынында мөөнөтүнөн мурда өтчү президенттик шайлоонун күнү белгиленген.
Президенттик шайлоого катышууну каалаган талапкерлер 6-декабрь саат 24:00гө чейин БШКга талап кылынган документтерди тапшырышы керек.
Буга чейин президенттин милдетин аткаруучу, премьер-министр Садыр Жапаров Facebook баракчасы аркылуу президенттик шайлоо 2021-жылдын 10-январында өтөрүн тастыктаган.
Белгилей кетсек, 4-октябрда өткөн парламенттик шайлоонун жыйынтыгына нааразы болгон партиялар 5-октябрда митингге чыгып, нааразылыкка уланган окуялар, башаламандык, саясий кризис жана бийликтин алмашуусу менен аяктаган.
