Коронавируска каршы күрөшүү боюнча Республикалык штабды Элвира Сурабалдиева жетектейт. Бул тууралуу вице-премьер-министр Фейсбук баракчасындагы түз эфир учурунда билдирди.
«Коронавируска каршы күрөшүү боюнча Республикалык штабды мурда премьер-министр жетектеп келген. Эми бул штабды жетектөөнү мага тапшырып жатышат. Кийинки жумадан бул мага тапшырылып жаткан милдетти аткарууга киришем. Күндө болбосо да бат-баттан сиздерге аткарылган иштер тууралуу убакты маалымат берип турууга аракет кылам», — деди Сурабалдиева.
