НДПК саясий партиясынын унаасынын багажында акча болгон эмес. Бул тууралуу ИИМдин Тергөө кызматынын башчысы Султан Макилов Reporter.kg’ге билдирди.
Буга чейин социалдык тармактарда видео жарыяланып, анда НДПК партиясы шайлоочулардын добушун сатып алуу менен алектенип жатканы, алардын унаасынын багажы толгон акча экени айтылган.
Макилов билдиргендей, бир катар адамдар Биринчи Май РИИБге жеткирилип, ал жакта далилдер келтирилген.
Видео «Сейчас.kg» телеграмм-каналына жарыяланган.
Бишкек шаардык кеңешинин депутаттарын шайлоодо добуш берүү жөнүндө алдын ала жыйынтык боюнча НДПК партиясы шайлоочулардын 9,47 пайыз добушуна ээ болгон.
