Тышкы иштер министрлиги 33 жаштагы А.у.К. аттуу Кыргызстандык жаран АКШда изделип жатат делген соцтармактарда тарап жаткан билдирүү боюнча маалымат берди.

Кыргызстандын АКШдагы элчилиги бул окуя боюнча тактоо иштерин жүргүзгөн.

Маалыматта айтылгандай, аталган жарандын эжеси инисинин табылганын, абалы жакшы экенин жана учурда ал Флорида штатынын Нейплс шаарында жашап жаткандыгын билдирген.

“Жаран акыркы айларда иши менен абдан алек болгондуктан, үй-бүлөсү менен байланышка көп убакыттан бери чыга албай жүргөн. Мындан тышкары, А.у.К. телефон номерин алмаштырганына байланыштуу эски номерине келген чалуулар жоопсуз калгандыгы маалым болду”,- деп билдирди министрлик.