Жарандык активист Атай Бейшенбек эки айга камакка алынды. Бул тууралуу Reporter.kg’ге Биринчи май райондук сотунан билдиришти.

Соттун чечими менен ал 20-декабрга чейин №1 тергөө абагында камакта болот.

Атай Бейшенбеков 20га жакын активист жана саясатчылар менен бирге “массалык башаламандыктарды уюштурууга даярдык көрүүгө” шектелүүдө. Алардын дээрлик баары эки айга камакка алынды. Кармалгандар буга чейин Кемпир-Абад суу сактагычынын Өзбекстанга берилишине каршы чыгып келишкен.

Активист Атай Бейшенбек өзүнүн күнөөсүз экенин айтып, ага кылмыш иши жалган-жалаа менен ачылып, оозун жабуу үчүн жасалып жатканын билдирди.

Биздин Телеграм каналыбызга катталыңыз