.svg){kind=logo}
Бишкекте 16 жашар окуучу кыз 3 күндөн бери изделип жататЖумуш таап берем деп чакырып, 18 жашар кызды зордуктаган. Сот аны 3 жылга кестиӨлкөдөгү мечиттерде жаан, кар тилеп сыйыныштыБүгүн Садыр Жапаров туулган күнүн белгилеп жатат. Аны кимдер куттуктадыБишкекте үйлөрдүн баасы дээрлик 30%га өстүБШК №16 округу боюнча шайлоонун жыйынтыгын бекитти. Кимдер депутат болду
«Акыркы кат» спектакли түрк дүйнөсүнүн театр фестивалында башкы сыйлыкка ээ болду
29.09.2025 | 10:08
Казакстандын Актау шаарында өткөн Түрк тилдүү мамлекеттердин lll эл аралык театр фестивалында «Акыркы кат» спектакли «Эң мыкты спектакль» деп табылды. Бул тууралуу маданият министрлиги билдирди.
Маалыматка ылайык, аталган фестивалга жети өлкөнүн мыкты театрлары катышкан. Бул жолку фестивалдын тематикасы түрк тилдүү элдердин тарыхы болуп саналып, ар бир өлкө тарыхый спектаклдерин көрсөтүшкөн.
Токтоболот Абдумомунов атындагы Кыргыз улуттук академиялык драма театры Кайрат Иманалиевдин калемине таандык, Уланмырза Карыпбаев сахналаштырган “Акыркы кат” спектакли менен катышкан. Жыйынтыгында спектакль фестивалдын башкы сыйлыгы болгон тарыхый теманы мыкты сахналаштырганы үчүн “Эң мыкты спектакль” номинациясын жеңип алды.
Рубрики: Жаңылыктар, Турмуш образы
