Кыргызстандын грек-рим балбаны Акжол Махмудовдун Алматыда өтө турган Professional Wrestling League-8 (PWL-8) мелдешиндеги атаандашы белгилүү болду. Бул тууралуу уюштуруучулар кабарлады.
Махмудов 25-февралда өтө турган турнирде франциялык Ибрагим Ганем менен кез келет. Ганем буга чейин 72 кг салмакта бир жолу дүйнө чемпиону болгон, бир ирет күмүш тагынган. Ошондой эле Европа чемпионатынын күмүш байгесин уткан.
Ал эми Акжол Махмудов Олимпиада оюндарынын күмүш жана коло байге ээси, дүйнөнүн эки жолку чемпиону, Азия оюндарынын жеңүүчүсү жана күмүш байгесинин ээси, Азиянын үч жолку чемиону, бир жолу күмүш уткан. Ал 77 кг салмакта күрөшөт.
Махмудов 25 жашта болсо, атаандашы 29 жашта. Алар Алматыдагы мелдеште 77 кг салмакта күрөшөт.
Эскерте кетсек, Professional Wrestling League уюму 2022-жылы Россияда Poddubny Wrestling League деген ат менен түзүлгөн. Былтыр атын өзгөрткөн.
Бул уюм түзүлгөндөн бери 7 жолу мелдеш уюштурулуп, алардын бири Бишкекте өткөн.
Буга чейин Акжол Махмудов Алматыда өтө турган мелдешке катышууга даярдыгын билдиргенин уюштуруучулар кабарлаган.
Акжол Махмудов Алматыда өтө турган PWL-8 мелдешине катышууга даяр
