Бишкектин Ч.Айтматов көчөсүндө кыйылып жаткан теректердин ордуна клендор тигилет. Бул тууралуу мэриядан кабарлашты.

Шаар бийлигинин маалыматы боюнча, Ч.Айтматов көчөсүн бойлой өскөн теректердин тигилгенине 50 жылдан ашып, эскирген.

“Бул эски бак-дарактар ​​чирип, айдоочуларга жана жөө жүргүнчүлөргө коркунуч жаратып баштады. Бул аймакка клен көчөттөрү отургузулуп, жашыл зоналар жакшыртылып, веложол курулат”, – деп айтылат маалыматта.

Эскерте кетсек, буга чейин мэрия Ч.Айтматов көчөсүндө жолдун эки четинде тигилген 1400дей терек кайтарганын, алар кыйылып, ордуна жаңысы отургузуларын кабарлаган.

https://reporter.kg/bishkek-chyngyz-ajtmatov-kochosynyn-boyundagy-1400-terek-kyjylat-video/