Чүй облусунун Аламүдүн районунда жайгашкан «Ала-Арча» мамлекеттик жаратылыш паркында дайынсыз болуп кеткен 4 өспүрүм аман-эсен табылып, куткарылды. Бул тууралуу ӨКМ билдирди.

Маалыматка ылайык, 31-августта 15 жаштагы үч өспүрүм жана 16 жаштагы бир өспүрүм жоголгону тууралуу “112” кызматына кабар түшкөн.

Издөө иштерине Өзгөчө кырдаалдар министрлигинин Куткаруучуларды даярдоо борборунун «Ала-Арча» паркында нөөмөттө турган 5 куткаруучу тартылган.

Ыкчам аракеттердин натыйжасында өспүрүмдөр аман-эсен куткарылып, ата-энелерине өткөрүлүп берилди.