3-июлдан тарта казакстандык FlyArystan авиакомпаниясы Алматы – Ысык-Көл («Тамчы» аэропорту) багыты боюнча жаңы эл аралык каттам ачууну пландап жатат. Бул тууралуу аталган компания соцтармактарында кабарлады.
«Эми Алматыдан Ысык-Көлгө бир саатта учуп барабыз»,- деп айтылат маалыматта.
Авиакомпаниянын маалыматына ылайык, каттамдар жумасына эки ирет, бейшемби жана жекшемби күндөрү август айынын аягына чейин учуп турат. Билет баасы 24 миң казак теңгесинен (болжол менен 48 АКШ доллары) башталары айтылды.
Билеттерди FlyArystan’дын мобилдик тиркемеси же расмий веб-сайты аркылуу сатып алууга болот.
