Орусиянын Екатеринбург шаарынан ата-энесинин камкордугусуз калган кыргызстандык эки наристе мекенине алынып келинди.

Бул иш-чара КРдин Эмгек, социалдык камсыздоо жана миграция министрлиги тарабынан Екатеринбург шаарындагы Кыргызстандын Башкы консулдугу менен биргеликте ишке ашырылган.

“Процесс эл аралык жана улуттук мыйзамдардын талаптарына ылайык, балдардын кызыкчылыктарын эске алуу менен жүргүзүлдү. Учурда министрлик тарабынан балдарды жакын туугандарына өткөрүп берүү боюнча тиешелүү иш-чаралар аткарылууда”,- деп билдирди мекеме.