Министрлер кабинетинин төрагасынын орун басары Жылдыз Бакашова жана саламаттыкты сактоо жана социалдык өнүктүү министри Алымкадыр Бейшеналиев «Мээрим» гуманитардык миссиясынын алкагында Ирактан мекенине кайтып келген балдарга барышты. Бул тууралуу аталган министрликтин басма сөз кызматынан билдиришти.
Маалыматка таянсак, азыр балдар реабилитациядан өтүп жатышат, ага ылайык тиешелүү психологиялык, социалдык жана медициналык кызматтар көрсөтүлөт. Балдардын абалы канааттандырарлык.
«Алар үчүн маданий иш-чаралар уюштурулуп жатат. Учурда документтерди калыбына келтирүү жана алуу боюнча тиешелүү органдар иштеп жатышат. Бардык процедуралар бүткөндөн кийин балдар камкорчуларына өткөрүлүп берилет», — деген министр.
