Балыкчы шаарынын борбордук көчөсүнүн эки тарабындагы мыйзамсыз курулган объектилер алынууда. Бул тууралуу шаар жетекчилиги билдирди.

Аталган көчө кеңейтилип, трассанын эки тарабына кең тротуар жана веложолдор курулат. Ошондой эле жашылдандыруу иштери жүргүзүлүп, аймак көрктөндүрүлөт.

Жаңы дайындалган мэрдин айтымында, жол боюнда эне-бала бөлмөлөрү бар заманбап аялдамалар орнотулат.

Курулуш иштерин ушул күздүн аягына чейин бүтүрүү пландалууда.