2024-жылы Казакстандан Кыргызстанга 113,5 млн доллар көлөмүндө түз инвестициялар келип, рекорддук көрсөткүчкө жеткен. Бул тууралуу Инвестициялар боюнча улуттук агенттиктик билдирди.

Маалыматка ылайык, 2021-жылдан бери Казакстандан келген инвестициялардын агымы үч эсе өсүп, 33,6 млн доллардан 113,5 млн долларга чейин көбөйгөн.

Казакстандык инвесторлор Кыргызстандын төмөнкү экономикалык тармактарына активдүү кызыгууда:

• өнөр жай жана чийки затты кайра иштетүү;
• транспорт жана логистика;
• айыл чарба;
• соода жана кызмат көрсөтүүлөр.

“Бул тармактарга салынып жаткан инвестициялар өндүрүштү модернизациялоого, жаңы жумуш орундарын түзүүгө, технологияларды трансфер кылууга жана өлкөнүн экспорттук потенциалын өстүрүүгө өбөлгө түзөт”,- деп билдирди агенттик.