Башкы прокуратуранын имаратында “Манас” эпосунан үзүндү жаңырып турат. Маалыматка караганда, мыйзам көзөмөлчүлөрү жумуш учурунда “Курманбек” өңдүү баатырдык эпосторун дагы угуп турушат.

Мекеменин жетекчиси Курманкул Зулушевдин айтымында, эпостор аркылуу кызматкерлерди мекенчилдикке тарбиялоо максаты көздөлөт.

“Улуттук балуулуктар, руханий байлыктар аркылуу адамдын мекенчил сезимдери козголуп, ишмердик ошого негизделет. Бизде кызматкерлердин көпчүлүгү расмий тилде окуп, жазчу, азыр 95 пайызы кыргыз тилин кеңири колдонушат” – деди башкы прокурор.

Белгилей кетсек, Башкы прокуратура – иш кагаздарын толук кыргыз тилинде жүргүзгөн мекеме.

Биздин Телеграм каналга катталыңыз