Ысык-Көлдүн тамырын ыктыярдуу негизде 400 адам алган. Бул тууралуу Башкы прокурор Курманкул Зулушев парламент жыйынында билдирди.
Анын айтымында, алардын арасында ууланган бир дагы учур катталган жок.
«Милиция кызматкерлери текшерип жатышат. Тергөө иштери жүрүп жатат. Биз сөзсүз түрдө ишибиздин жыйынтыктары менен таанышабыз », — деди Башкы прокурор.
Эске салсак, Садыр Жапаров коронавирус инфекциясын Ысык-Көлдүн тамыры менен дарылоону сунуш кылган. Акониттин дарылык касиеттерин Саламаттык сактоо жана социалдык өнүгүү министри тастыктады. ДССУ клиникалык сыноолордон өтпөгөн дарыны каттоого болбойт жана калкка кеңири колдонууга сунуштайбыз деди.
Ошол эле учурда Саламаттык сактоо жана социалдык өнүгүү министрлигинин басма сөз кызматы кечээ, 20-апрелде Ысык-Көлдүн тамырынан үч бейтап ууланганын маалымдады. Учурда алардын абалы туруктуу, интенсивдүү терапия уланууда.
