Баткен облусунда жугуштуу оорулар ооруканасынын имаратын оңдоп түзөө жумуштары аяктады. Бул тууралуу Өкмөттүн ыйгарым укуктуу өкүлү Алишер Абдрахманов билдирди.
Абдрахманов Баткен облустук үй-бүлөлүк дарыгерлер борборунун эски имаратын, 90 орундуу жугуштуу оорулар ооруканасына ыңгайлаштыруу максатында жасалып жаткан оңдоп-түзөө иштеринен кабар алды.
Имаратта бардык шарттар түзүлгөн, жакынкы күндөрү оорукана эмеректер менен камсыздалат.
Оңдоп түзөө жумуштарына республикалык бюджеттен 12 млн сомдон ашуун каражат бөлүнгөн.
