Кытай Эл Республикасынын төрагасы Си Цзиньпин интернет мейкиндигин башкаруунун узак мөөнөттүү механизмин түзүүнү жана блогерлер менен онлайн-платформалардын ишин кыйла күчөтүлгөн көзөмөлгө алууну тапшырды. Бул тууралуу Кытайдын борбордук телеканалы кабарлады.

«Тармактагы башаламандыкка каршы буюм кылып, мыйзам бузууларды катуу токтотуп, мыйзамсыз кызыкчылыктардын чынжырларын бузууга тайманбай баруу керек», — деп берет телеканал өлкө лидери айткан сөздөрдү.

Анын көрсөтмөсүнө ылайык, интернет-платформалар, жеке блогдор жана MCN-агенттиктер (инфлюенсерлердин аккаунттарын башкарган компаниялар) коомдук жоопкерчиликти сактап, оң маанидеги контент таратышы шарт.

Си Цзиньпин ошондой эле жасалма интеллект жана чоң маалыматтарды талдоого байланышкан жаңы коркунучтарга көңүл бурду. Ал жеке маалыматтарды коргоо системаларын, ошондой эле цифралык коркунучтарды классификациялоо механизмдерин күчөтүүнү буюрду.