Шайлоого «Ата Журт Кыргызстан» партиясынан талапкер катары катышкан ырчы Бек Борбиев Кыргызстанда өткөн парламенттик шайлоо таза өткөн жок деп билдирди.
«Таза шайлоо болгон жок (мен ушундай болот деп ойлогом). Административдик ресурс керектүү жерде иштечү», — деп жазган ал социалдык тармактарда.
Ал Жогорку Кеңешке өтө турган партиядан талапкерлердин тизмесинде болгону менен депутаттык мандат алуу үчүн жетиштүү добуш ала албаганын мойнуна алды.
Добуш берүүнүн алдын ала жыйынтыгы бир катар партияларды канааттандырган жок. Добуштарды кол менен саноо жүрүп жатат.
Учурда Борбордук шайлоо комиссиясынын имаратында жаңы шайлоо өткөрүү талабы менен митинг өтүүдө.
