Ош облусунун Ноокат районунун аймактык ооруканасында мыйзамсыз иштен алынган дарыгерлер кайрадан жумушка алынды. Бул тууралуу Башкы прокуратура билдирди.

Маалыматка ылайык, райондук прокуратура аймактык ооруканын жетекчиси эмгек мыйзамдарын бузуп, 4 бөлүм башчыны ээлеген кызматтарынан негизсиз бошотуу буйругун чыгарганын аныктаган.

Жүргүзүлгөн чаралардын натыйжасында, мыйзамсыз кабыл алынган буйруктар жокко чыгарылып, аталган кызматкерлер мурдагы жумуш ордуларына кайрадан кабыл алынган.