Кыргызстандагы автордук кинонун алгачкы түптөөчүлөрүнүн бири, Кыргызстандын эл артисти, режиссер Геннадий Базаров 81 жаш курагында дүйнө салды. Маалыматты Маданият, маалымат, спорт жана жаштар саясаты министрлигинен тастыкташты.

Геннадий Базаров 1942-жылы 14-майда Нарын облусуна караштуу Ат-Башы районунда төрөлгөн. 1967-жылы Москвадагы Бүткүл союздук мамлекеттик кинематография институтунун (Ж. Сегелдин устаканасы) режиссёрлук факультетин бүтүргөн.

Геннадий Базаров “Саманчынын жолу”, “Буктурма”, “Көчө” жана башка көркөм жана даректүү тасмалардын режиссеру болуп саналат.

Былтыр ал II даражадагы мамлекеттик “Манас” ордени менен сыйланган.

Биздин Телеграм каналга катталыңыз