Бишкек – Балыкчы жолунун 45 чакырымында эки унаанын катышуусунда жол кырсыгы катталды. Бул тууралуу «Reporter.kg» маалымат агенттигине Чүй облусунун Жол кыймылынын коопсуздугун камсыздоо башкы башкармалыгы билдирди.
Окуя 5-мартта саат 22:30 чамасында катталган. Анда шаарды көздөй келе жаткан Mercedes Benz Sprinter жана Toyota Estima унаалары кагышкан. Кырсыктан эки унаанын тең айдоочулары жабыркап, ооруканага жеткирилген. Айдоочулардын бири 55 жашта болсо, экинчиси 25те.
Учурда жол кырсыгынын келип чыгуу себеби иликтенүүдө.
