Кусеин Карасаев атындагы Бишкек мамлекеттик университетинин ректору кызмат ордуна сынак жарыяланды.
Билим берүү жана илим министрлигинен билдиришкендей, министрлер кабинетинин 2022-жылдын 29-июлундагы № 418 «Мамлекеттик жогорку окуу жайлардын жетекчилерин кызматка дайындоо, бошотуу аттестациялоо тартиби жөнүндө» токтомуна ылайык К.Карасаев атындагы БМУнун ректору бош кызмат ордуна тандоо өткөрүүнү жарыялайт.
Белгилей кетсек, тандоого 65 жаштан ашпаган, бош кызмат ордун ээлөө үчүн белгиленген квалификациялык талаптарга жооп берген жарандар катыша алат.
Буга чейин К.Карасаев атындагы БМУнун ректору Абдылда Мусаев кызматынан кеткени маалымдалган.
Абдылда Мусаев университетти 2011-жылдан бери жетектеп келген. Кыргызстандын ЖОЖдор ассоциациясынын төрагасы да болгон.
Биздин Телеграм каналга катталыңыз
