Бишкек шаарынын мэри Айбек Жунушалиев Жогорку Кеңештин депутаттарын шайлоого катышып, борбордогу №1220 шайлоо участогунда добуш берди. Бул тууралуу шаар мэриясы кабарлады.

Азыркы тапта Бишкекте 296 шайлоо участогy иштеп жатат.

Ошондой эле 296 участкалык шайлоо комиссиясы жана 4 шайлоо округу түзүлгөн. Алардын ичинен 233ү шаардык округдарга, ал эми 63ү Чүй облусунун округдарына (Аламүдүн, Ысык-Ата жана Сокулук райондору) карайт.

Мындан тышкары добуш берүүнүн жеткиликтүүлүгүн жогорулатуу максатында БШК төмөнкү даректерде 11 дистанттык добуш берүү участогун ачкан:

• «Ош» базары – 1 участок;
• «Asia Mall» соода борбору – 1 участок;
• «Манас» эл аралык аэропорту – 2 участок;
• «Дордой» базары – 2 участок;
• «Аламедин» базары – 1 участок;
• «Дордой Плаза» комплекси – 1 участок;
• «Бишкек Парк» соода борбору – 1 участок;
• Улуттук госпиталь – 1 участок;
• «Орто-Сай» базары – 1 участок.