Бишкек-Ош жолунун 163-чакырымында жол кырсыгы катталып, 5 киши каза болду. Бул тууралуу Саламаттык сактоо министрлигинин маалымат кызматынан кабарлашты.

Маалыматка ылайык, окуя кечээ, 25-ноябрда саат 00:20 чамасында катталган. Анда «Хонда» жана «Мерседес-Бенц Спринтер» үлгүсүндөгү унаалар кагышкан. Жол кырсыгынан жалпы 13 адам жабыркап, аларды 4 жеринен мерт кетсе, 1 тез жардам унаасында жан берген. Учурда бир адам Жайыл районундагы оорукананын жандандыруу бөлүмүндө жатат.

«Учурда Жайыл райондук оорукананын травматология бөлүмүндө 3 жаркат алган адам жатат. Алардын абалы дарыгерлер тарабынан туруктуу оор деп бааланууда. Ал эми 4 адам амбулатордук дарылануудан кийин үйлөрүнө чыгарылды», – деп жазылат маалыматта.