Бишкек – Токмок – Бишкек каттамында шаардык муниципалдык автобустар убактылуу жүрө баштады. Бул тууралуу мэрия билдирди.

Убактылуу каттамдын киргизилиши Токмоктон Бишкекке каттаган жүргүнчүлөрдүн санынын көбөйүшүнө, ошондой эле айрым жеке менчик коомдук транспорттун убактылуу каттабай калышына байланыштуу уюштурулду.

Мэрия жүргүнчүлөргө ыңгайлуу шарттарды түзүү жана коомдук транспортко болгон муктаждыкты канааттандыруу үчүн убактылуу автобустарды чыгарганын белгиледи.