УКМК Кара-Балта шаарындагы парктарды көрктөндүрүүгө жана суу менен камсыздоо тутумдарын оңдоого бөлүнгөн каражаттар боюнча жүргүзүлгөн текшерүүнүн жүрүшүндө мыйзам бузууларды аныктады.

Маалыматка ылайык, иш аткаруучу «Г.Т.И.» ЖЧКнын башкы директору А.Н.А. курулуш жана монтаж иштеринин баасын 27,2 млн сомго жасалма негизде жогорулаткан.

Бул факты боюнча КР Кылмыш-жаза кодексинин 336-беренесинин 1-бөлүгү (коррупция) боюнча кылмыш иши козголду. Шектүү УКМКнын тергөө абагынын убактылуу кармоочу жайына.