Бишкек шаарынын Асанбай кичи районундагы “Tommi mall” соода түйүнүнүн алдындагы жаңы жылдык балаты кулап, бир кишини басып калды. Бул туурасында Reporter.kg′ге окурмандар билдирди.

Ал дүкөндүн астында таксиге наристесин салып, унаанын багажына бешик арабасын (коляска) салайын деп жатканда балаты аялдын башына тийгенин айтат.

“Балатынын темири башына келип бир тийди. Көпкө дендароо болуп туруп калды. Эл деген эл экен бир заматта милицияны да, тез жардам кызматын да чакыра салышты. Бирок, ал аларга макул болбой жатты. Анткени, унаанын ичинде наристе кызы ыйлап жаткан эле. Ал эми дүкөндүн администрациясынан бирөө басып келип, абалын сураганга жараган жок”– деди.