Бишкек менен Ошто 14-апрелден тарта кагаз маалым кат берүү токтотулуп, “Түндүк” аркылуу гана санарип түрү бериле баштайт. Бул тууралуу президенттик аппараттын жетекчисинин орун басары – президенттин жана министрлер кабинетинин чечимдерин даярдоо бөлүмүнүн башчысы Азамат Кадыралиев билдирди.
Ал эми 1-майдан баштап саамалык республиканын бардык аймактарына жайылтылат.
Маалыматта белгиленгендей, бул талап 50 жаштан өйдөлөргө, социалдык жактан аяр категориядагыларга тиешеси жок.
«Кезекте туруп, кагаз документтерди чогултуунун кажети жок болот. Талап кылынган маалыматтар «Түндүк» тиркемесинин жардамы менен алынат», — деди Кадыралиев.
